Qırım Müftisi “Rusiyede 10 yıl” Qırım vatandaşlıq forumınıñ ilkinde iştirak etti | ЦРО ДУМК

Четверг

25

апреля

16
Шевваль
1445 | 2024
Утр.4:02
Вос.5:30
Обед.12:46
Пол.16:34
Веч.19:51
Ноч.21:20
Времена намазов
Календарь 2024

Намаз

Qırım Müftisi “Rusiyede 10 yıl” Qırım vatandaşlıq forumınıñ ilkinde iştirak etti

Опубликовано:

Aqmescitte Cumhuriyetniñ devlet akademik muzıkalı teatrinde “Rusiyede 10 yıl” Qırım vatandaşlıq forumınıñ ilki olıp keçti. Tantanalı merasimde akimiyet ve din vekilleri, Cemaat palatasınıñ azaları iştirak etti.

Forum iştirakçileri ögünde selâmlav sözlerinen Qırım Cumhuriyeti ve Sevastopol şeeri Müftisi hacı Emirali Ablayev çıqışta bulundı.

“Ürmetli Aleksandr Andreyeviç! Ürmetli Sergey Valeryeviç, Vladimir Andreyeviç! Sayğılı dostlar!

Qırım içün ğururımız tolıp taşa. Aytılacaq çoq şeyler bar. Amma men, diniy hadim olaraq, Qırımnıñ dinlerara dostluqnıñ timsali olğanınen ğururlanam. Bu – bütün medeniy dünya içün güzel bir nümünedir. Bu – bizim büyük qazançımız ve ğururımızdır. Biz bunı qorçalamaq ve balalarımızğa, torunlarımızğa yetkizmek kerekmiz.

Bugün Qırımda büyük deñişmeler olıp keçe. On yıl devamında Qırımda çoq şeyler yapıldı, yüzlerce leyhalar ömürge keçirildi, on yıl evelsi biz şu leyihalar aqqında hayal bile etmey edik. Köpürler, yollar, hastahaneler, mektepler, bala bağçaları, sport zalları ve diger bir çoq müim içtimaiy leyhalar.

Onyıllar keçken soñ musulmanlar öz hayallarınıñ kerçekleşkenini – Prezidentimiz Vladimir Vladimiroviç Putinniñ nezareti astında qurulışı biteyatqan Cuma camini kördi. Bunıñ içün oña çoq minnetdarmız. Bu cami tek musulmanlarnıñ ibadet yeri degil de, Qırımnıñ turistik merkezlerinden biri olacaq.

Qırımnıñ inkişafına, milletlerara ve dinlerara barışıqlıqnıñ saqlanıluvına qoşqan büyük isseleri içün cumhuriyetimizniñ rehberleri Aksönov Sergey Valeryeviçke ve Konstantinov Vladimir Andreyeviçke teşekkürlerimizni bildiremiz. Çoq sağ oluñız.

Buña ilâve olaraq, Vladıka Lazarge teşekkürler bildirem ki, biz 25 yıl devamında el-elge çalıştıq ve dinlerara dostluqnı saqlamaq içün elimizden kelgenini yaptıq. Eminim ki, bu dostlıq Vladıka Tihonnen de devam etecek.

Ebet, bütün Qırım din hadimleriniñ rolü pek büyük. Er keske minnetdarlığımnı bildirem.

Tabiiy ki, ayrı teşekkürimni dostum, Qırım siyasetiniñ aqsaqalı Aleksandr Andreyeviç Formançukka bildirmege isteyim. Sizge daa çoq yıllar Qırımğa ve bütün Rusiyege hızmet etmekni tileyim.

Ürmetli dostlar, Forumğa semereli çalışmalar tileyim! Bütün iştirakçilerine qaviy sağlıq ve muvafaqiyetler! Yüce Rabbimiz epimizni qorusın! Diqqatıñız içün sağ oluñız!”

 

Qırım MDİ matbuat hızmeti