Ürmetli qırımlılar, aziz semetdeşlerim!
Qırım Cumhuriyeti ve Sevastopol şeeri musulmanları diniy idaresi (Tavriya Müftiyatı) ve şahsen öz adımdan sizni Rusiye Federatsiyasınıñ devlet bayrağı künü ile hayırlayım.
Bugün Rusiyede devletimiz içün müim ve büyük bayram– Rusiyeniñ devlet bayrağı künü qayd etile. Şu bayram Rusiye Federatsiyası Prezidentiniñ 1994 senesi, avgust 20 tarihlı №1714 Fermanı esasında qayd etile.
Rusiye bayrağı devletimizniñ çoqasırlıq tarihında qayd etilgen. Devlet marşımıznıñ icrası ile birlikte devlet bayrağımıznıñ köterilüvi merasimi er birimizde Vatanımız içün ğurur duyğusını uyandıra. Bugün devlet bayrağımız Rusiye Federatsiyasında yaşağan farqlı halq ve milletlerniñ vekillerini birleştire.
Bayrağımız bütün dünyada zengin tarihı ve devletçilik ananelerinen belli olğan ulu bir devletniñ bayrağı olaraq tanıla.
Bunı bilmek ve bunen ğururlanmaq pek müimdir! Şu ananenege qıymet bermek, özümizde ve yaş nesilimizde devlet timsallerine ve, hususan, Rusiye bayrağına nisbeten sevgi ve ürmet aşılamaq ğayet müimdir.
Sizge ve qorantalarıñızğa can-yürekten sağlıq, selâmetlik, tınçlıq ve sevgili Vatanımız Rusiyeniñ güllemesi oğrunda muvafaqiyetler tileyim!
Ürmet ile, Qırım Cumhuriyeti ve Sevastopol şeeri Müftisi hacı Emirali Ablayev.