Oraza bayramınıñ birinci künü, saat 6:30-da Qırımnıñ bütün camilerinde bayram namazları qılındı. Eñ kütleviy bayram namazı Aqmescitteki Zenaat birleşmeleri medeniyet evinde olıp keçti. Namaz içün mında Qırımnıñ bütün bölgelerinden musulmanlar kelip yetkenler.
Qırım musulmanlarınıñ diniy yetekçisi hacı Emirali Ablayev hutbe oqup, musulmanlarnı barışıqlıqqa, birlikke, büyüklerge ürmet ve itaat etmege, imanlarını qaviyleştirmek içün ğayret etmege çağırdı. Bundan soñ Müfti efendi bayram namazını keçirdi.
Qırım MDİ matbuat hızmeti