Oktâbr 18 künü 79 yaşına kelip, kövid hastalığından Canköy rayonınıñ musulman din cemiyetleriniñ başlığı Muzaffer ağa Kerimov vefat etti.
Muzaffer ağa 1941 sene, avgust 2 künü Bağçasaray rayonınıñ Alma Tarhan köyünde dünyağa keldi, 1944 senesi qorantası Özbekistanğa sürgün etilgen edi. Muzaffer ağa Ferğana pedagogik institutını bitirdi ve bir çoq yıl devamında mektepte biologiya ve beden terbiyesi ocası olıp çalıştı. Muzaffer ağa 1997 senesinden başlap, Canköy rayon imamı vazifesini eda etti, bundan soñra, rayonnıñ din cemiyetleriniñ reisi vazifesinde hızmet etti.
Bütün ömüri devamında Muzaffer ağa Allahnıñ razılığını qazanmaq ve milletimizge faydalı olmaq içün çalıştı.
Muzaffer ağanıñ qorantasına teren taziyelerimizni bildiremiz. Allahtan baş sağlığı ve sabır tileymiz.
“Şübesiz, biz epimiz Allah içünmiz ve qaytuvımız Oña olacaqtır”!
Allah rahmet eylesin.