Qırım Cumhuriyeti ve Sevatopol şeeri musulmanları diniy idaresinde Müftilikniñ “Elâl” sertifikatsiyası merkezine muracaat etken iş adamına elâllıq sertifikatı berildi.
Sertifikatnı Qırım ve Sevastopol Müftisi hacı Emirali Ablayev taqdim etti.
Böylece, Qırım Cumhuriyeti ve Sevastopol şeeri musulmanları diniy idaresiniñ “Elâl” logotipı ile Aqmescitteki “Antrekot” tükânlar ağı çalışıp başladı.
Tükânlarda farqlı et mahsulatları, paştetler, çeşit kolbaslar ve ufaq aş, burma kibi mühtelif elyapma hamur aşları satıla.
Qırım Müftisi iş adamına muvafaqiyetli çalışmalar tilep, Yüce Rabbimiz ve insanlar ögündeki mesülietni unutmamaqnı nasiat etti.
Qırım MDİ matbuat hızmeti