Qırım Cumhuriyeti ve Sevastopol şeeri musulmanları diniy idaresinde iş adamı Baqiyev Arsen Akim oğluna elâllıq sertifikatı taqdim etildi. İş adamı şeriat qaideleri boyunca quşlarnı (tavuq, bödene) ve qoyanlarnı soyıp, etlerini sata. Arsen Baqiyevge elâllıq sertifikatını Qırım Müftisi hacı Emirali Ablayev taqdim etti ve oña işinde muvafaqiyetler tilep, insanlar ve Rabbimiz ögünde olğan mesülietini hatırlattı.
İhtar: Elâllıq sertifikatını almağa istegen iş adamları QMDİ “Elâl” sertifikatsiyası merkeziniñ başlığı Remzi Qurtdedege nevbetteki telefon boyunca muracaat ete bile: +79780741847, ya da el.adres: halal@qmdi.ru
Qırım MDİ matbuat hızmeti