Qırım Cumhuriyeti ve Sevastopol şeeri musulmanları diniy idaresinde (Tavriya Müftiyatında) iş adamı Haybullayev Eskender Esatoviçke elâllıq sertifikatı taqdim etildi. O, Qurman rayonınıñ Krasnoznamenskiy köy hocalığında çalışa. İnsanlarnıñ eyiligi oğrunda muvafaqiyetli çalışmalar tilep, iş adamınıñ temsilcisi Refat Ablalimovğa vesiqanı Qırım Müftisiniñ muavini Raim Ğafarov taqdim etti. Qayd etmeli ki, iş adamı Eskender Haybullayev ufaq baş ve büyük baş ayvanlarnı şeriat qanunları boyunca soyıp, etlerini sata.
İhtar: Elâllıq sertifikatnı almağa istegen iş adamları QMDİ “Elâl” sertifikatsiyası merkeziniñ başlığı Remzi Qurtdedege nevbetteki telefon boyunca muracaat ete bile: +79780741847, ya da el.adres: halal@qmdi.ru
Qırım MDİ matbuat hızmeti