Qırımda şeriat qanunları boyunca çalışqan iş adamlarınıñ sayısı ep arta.
Qırım Cumhuriyeti ve Sevastopol şeeri musulmanları diniy idaresinde Seferşayeva Refiha Ablayevna iş adamına “Elâl” sertifikatı taqdim etildi. İş adamınıñ şirketi büyük baş ayvanlar, qoy ve quş etlerini, kolbaslarnı ve çeşit yarıazır mahsulatlarnı istihsal ete.
Buña ilâve olaraq, “Elâl” sertifikatını iş adamı Seytâgyayev Şakir Narimanoviç aldı. Onıñ şirketi de kiçik baş ve büyük baş ayvanlarnı şeriat qanunları boyunca soyıp, etlerini sata.
Sertifikatlarnı Qırım Cumhuriyeti ve Sevastopol şeeri Müftisi hacı Emirali Ablayev taqdim etip, iş adamlarına işlerinde muvafaqiyetler tiledi.
Qırım Cumhuriyeti ve Sevastopol şeeri musulmanları diniy idaresi Aqmeçit rayonınıñ baş imamı Löman Abduramanovğa rayonında elâl sanayısınıñ inkişaf etmesi munasebetinen teşekkür bildire.
İhtar: Elâllıq sertifikatını almağa istegen iş adamları QMDİ “Elâl” sertifikatsiya merkeziniñ başlığı Remzi Qurtdedege nevbetteki telefon boyunca muracaat ete bileler: +79780741847, ya da el.adres: halal@qmdi.ru
Qırım MDİ matbuat hızmeti