Qırımda Qırım halqlarınıñ sürgün etilüvi hatıra kününe bağışlanğan hatıra merasimleri başlandı. Fevzi Yaqubov adına Qırım müendislik ve pedagogika universitetinde “Ğayrıdan tiklenüv” memorialı yanına, V. İ. Lenin adına bulvarında, vokzal yanındaki bağçada yerleşken memorial yanına, V. İ. Vernadskiy adına Qırım federal universiteti Tavriya akademiyasınıñ N. V. Bagrov adına Nebatat bağçasındaki sürgünlik qurbanlarına bağışlanğan abide yanına güldesteler qoyuldı. Tedbirlerde Qırım Cumhuriyeti ve Sevastopol şeeri Müftisiniñ muavini Raim Ğafarov, Müftiniñ Qırım Cumhuriyeti ve Sevastopol şeerinde ÜFSİN ile işbirlik boyunca yardımcısı Muhammed İslamov, Boğurça qasabasınıñ imamı Bekir Adilov iştirak ettiler.
Qırım MDİ matbuat hızmeti