Qırım Cumhuriyeti ve Sevastopol şeeri musulmanları diniy idaresinde diniy idareniñ hanım hadimlerinden olğan din kursunıñ talebelerine Quranlar taqdim etildi. Taqdim merasiminden soñ din ocası Safiye Qurtdede musulmanlar içün muqaddes Kitapnıñ emiyeti aqqında tarif etti. “Quran bizge mukâfat olaraq endirildi. Eger siz Quran oqusañız, Allah sizden razı olacaq”, – dep añlattı Safiye Qurtdede.
Hatırlatamız, Qırım musulmanları diniy idaresiniñ camileri yanında din kursları çalışa, şu kurslarğa istegen er kes yazıla bile. Tafsilâtlı malümat içün yerli imamlarğa muracaat etmek mümkün.
Qırım MDİ matbuat hızmeti