Saq rayonınıñ Qanğıl (Glinka) köyünde İslâm temelleri kursunıñ talebeleri musulmanlar içün muqaddes olğan Qurannıñ oquvına keçti. Bu munasebet ile ocaları Qırım Cumhuriyeti ve Sevastopol şeeri musulmanları diniy idaresi adından balalarğa qıymetli bahşışlarnı – olar içün ilk öz Quran nushalarını taqdim ettiler.
Qırım Cumhuriyeti ve Sevastopol şeeri Müftisiniñ muavini Raim Ğafarov qayd etkeni kibi, şimdi balalarnıñ maneviy terbiyesine büyük diqqat ayırıla. “Birinci nevbette biz Qırımnıñ paytahtına sıq kelmege imkânı olmağan, uzaq köylerde yaşağan balalarğa diqqat ayırmağa tırışamız. Dinni ögrenmek ceryanınıñ qolay olması ğayet müimdir, onıñ içün biz din ocalarımıznı ocalar olmağan mesken yerlerge yollaymız”, – dedi Raim Ğafarov.
Qırım MDİ matbuat hızmeti