Qırım Cumhuriyeti ve Sevastopol şeeri musulmanları Müftisiniñ muavini Raim Ğafarov Qırım musulmanlarınıñ diniy yetekçisi hacı Emirali Ablayev adından “Zemaneviy halqara meydanda Qırım” VII halqara konferentsiyasında çıqışta bulundı. “Qırım – çoqmilletli ve çoqdinli cumhuriyettir. Qırımda tuvğan tillerniñ inkişafına hususiy diqqat ayırılğanı, yarımadamızda yaşağan halqlarnıñ ana tillerinde kitaplar neşir etilgeni sevindire. Cami ve kilselerniñ qapıları açıq. Musulmanlarnıñ ve hristianlarnıñ esas bayramları devlet seviyesinde qayd etile”, – qayd etti Raim Ğafarov.
Tedbir “Qırım Cumhuriyeti iş ve medeniyet merkezi” devlet muhtar idaresi ve Qaradeñiz halqara işbirligi dernegi tarafından teşkil olundı.
Tedbir iştirakçileri ögünde Devlet Şurasınıñ reisi Vladimir Konstantinov sözde bulundı ve merasimniñ aktualligi, halqara platformalarında Qırım meselelerini ilerilertmek içün yañı usullar ve aletlerni qullanmaqnıñ ve kirsetmekniñ müimligini qayd etti. Konferentsiya iştirakçileri xalq diplomatiyasınıñ inkişafı, Qaradeñiz halqara işbirligi derneginiñ vazifeleri ve bir sıra diger meselelerni muzakere ettiler.
Bu sene konferentsiyanıñ esas mevzusı “Azaq-Qara deñizler bölgesi ve yañı geosiyasiy kerçekler” oldı. Tedbir iştirakçileri arasında Rusiye ve çetel siyasetçileri, ekspertler, alimler, cemaat teşkilâtlarınıñ vekilleri ve kütleviy matbuat vastaları bulundı.
Qırım MDİ matbuat hızmeti