Qurucılar künü arefesinde Qırım Cumhuriyeti ve Sevastopol şeeri Müftisiniñ muavini Raim Ğafarov Aqmescitte qurulayatqan Büyük Cuma caminiñ saasını ziyaret etti. Mında, o, camini qurayatqan mütehassıslarnen körüşip, olarnı keleyatqan zenaat bayramlarınen hayırladı ve olarğa Qırım Müftisi hacı Emirali Ablayev adından teşekkürnameler taqdim etti.
“Emegiñizniñ emiyeti ölçülmezdir. Siz torunlarımıznıñ yadikârlığı olacaq obyektlerni qurasıñız”, – dep, qayd etti Raim Ğafarov.
Namuslı iş, qoyulğan vazifelerniñ becerilmesindeki hassasiyet, işançlılıq ve inkişaf etmek ile ihtisas derecesini kötermek ğayreti, em de Qurucı künü munasebetinen Qırım Müftisi hacı Emirali Ablayev adından aşağıdaki kişilerge teşekkürnameler taqdim etildi: “Moskapstroy” AB leyhasınıñ rehberi Konstantin Misükov, “Moskapstroy” AB qurucılıq nezareti boyunca mütehassısı Midat Seitjelilov, “MİRAS” mesülieti sıñırlı cemiyetiniñ müdiri Dilaver Kerimov, “MİRAS” MSC baş müendisi Arsen Yaqubov; “ARSENAL-TEHNOLOGİYA” MSC baş müdiri Vladislav Nazarenko, “ARSENAL-TEHNOLOGİYA” MSC baş müdiriniñ muavini Pavel Antonov-Drujinin, “SPETSSTROYKRIM” MSC leyhalar müdiri Yekaterina Gulâyeva, “İNDUSTRİYA RAZVİTİYA” MSC qurucı müendisi Server Arslanov, “İNDUSTRİYA RAZVİTİYA” MSC iş yapıcısı Oleg Dikan, “SMU-161” MSC iş yapıcısı Aziz Dadaşov. Bundan da ğayrı, “FORTİS” MSC iş taqımına Qırım Müftisi adından minnetdarlıq ile mektüp yollanıldı.
Qırım MDİ matbuat hızmeti