Qırım musulmanlarınıñ diniy yetekçisi hacı Emirali Ablayev Qırımda iş ziyaretinen bulunğan Tatarstan Cumhuriyetiniñ Başlığı Rustam Minnihanovnen körüşti. Körüşüv Qırım musulmanları diniy idaresiniñ ofisinde olıp keçti. Suhbet esnasında Rustam Minnihanov hacı Emirali Ablayevni yubileylik doğğan künü ile hayırlap, maneviy ahlâqiy qıymetlerniñ saqlanıluvı ve inkişafına, dinlerara muabbetlikniñ saqlanılmasına qoşqan salmaqlı issesi munasebetinen onı “Duslıq” ordeninen taqdirledi.
Bundan da ğayrı, Rustam Minnihanov Aqmescitte qurulayatqan Cuma caminiñ qurucılıq meydanını ziyaret etip, qurucılıqnıñ ketişatınen tanış oldı.
Qırım MDİ matbuat hızmeti