Saq şeeriniñ camisinde İslâm temelleri kursunıñ doquz talebesine muqaddes Quran-ı Kerimniñ nushaları taqdim etilmesi munasebetinen tantanalı merasim olıp keçti.
“Biz balalar ve ana-babalarğa Quran oqumaqnıñ faziletleri aqqında tarif ettik. Tedbir ğayet tesirli oldı ve güzel müitte keçti. Allahqa şükürler olsun ki, bizim Vatanımızda yaşap, dinimizni ögretmek imkânımız bar”, – dep, bildirdi din ocası İslamiya Halilova.
Hatırlatamız, Qırım ve Sevastopol şeeri musulmanları diniy idaresiniñ camileri yanında İslâm temelleri kursları çalışa. İslâmnıñ temellerini ögremege istegenler musulmanlar yerli imamlarğa muracaat ete bile. Oqutuv bedavadır.
Qırım MDİ matbuat hızmeti