Aprel 8 künü Aqmescitte “Sen ep bir yaşaysıñ!” aktsiyası olıp keçti. Aktsiya Ukrainada olıp keçken mahsus arbiy operatsiyada elâk olğan Qırım sakinleriniñ hatırasına bağışlandı. Tedbirniñ teşkilâtçısı – Qırım Cumhuriyetiniñ Devlet Şurasıdır.
Şeerniñ merkezinde, Cumhuriyet parlamenti binasınıñ yanında Rusiye ve Qırımnı qorçalap, canlarını bergen askerlerniñ hatırasını añmaq içün yüzlerce insan toplandı. Elâk olğan askerlerniñ fotoresimleri Cumhuriyet Devlet Şurası binasınıñ fasadında numayış etildi. Arbiy dostlarınıñ hatırasını añmaq içün MAO çerçivesinde hızmet etken askerler, elâk olğan arbiylerniñ soyları, cumhuriyetniñ rehberleri, diniy hadimler, veteran teşkilâtlarınınñ azaları, yarımada sakinleri keldiler.
Hatıra aktsiyasında Qırım Cumhuriyeti ve Sevastopol şeeri Müftisiniñ muavini Ayder İsmailov iştirak etti.
Aktsiya elâk olğan Qırım qaramanlarınıñ qorantalarına destek bermek, cenk meydanında bulunıp, şeref ve namusınen Vatanını qorçalamaq borcunı yerine ketirgen arbiylerge destek köstermek içün, em de Qırımnıñ alman-faşist işğalcilerinden azat etilüviniñ 80 yıllığına bağışlanğan hatıra merasimleri çerçivesinde keçirildi.
Qırım MDİ matbuat hızmeti