Qırım Cumhuriyeti ve Sevastopol şeeri musulmanları diniy idaresinde yañı iş adamlarına elâllıq sertifikatları taqdim etildi. Olar arasında Seyt-Celil Ervin Arsenoviç – “Sofra” ticariy markası ve Egerciyev Edem İrfanoviç – “BISTRO-VKUSNO” aşhanesi. Bundan da ğayrı, “Drujba Narodov Nova” şirketi “Elâl” sertifikatını daa bir yılğa devam ettirdi. Endiden soñ “Drujba Narodov Nova” şirketiniñ “Râba Krımskaya” ticaret markası boyunca çıqarılğan mahsulatnı elâl bir ğıda olaraq almağa mümkün. Böyle mahsulat üstünde elâllığını bildirgen köstergiç olacaq.
İhtar: Elâllıq sertifikatını almağa istegen iş adamları QMDİ “Elâl” sertifikatsiya merkeziniñ başlığı Remzi Qurtdedege nevbetteki telefon boyunca muracaat ete bileler: +79780741847, ya da el.adres: halal@qmdi.ru
Qırım MDİ matbuat hızmeti