Yoluñız oğurlı olsun!Kezlev şeer bölgesiniñ baş imamı Eskender Memetov №18 Kezlev orta umumtahsil mektebinde keçirilgen yañı oquv yılınıñ başlanuvına bağışlanğan tantanalı merasimde iştirak etip, talebelerni, ocalarnı ve ana-balalarnı Bilgi künü ile hayırladı. “Men sizni Qırım Cumhuriyeti ve Sevastopol şeeri Müftisi adından selâmlayım ve yañı oquv yılınıñ başlanuvı ile hayırlayım. Bugün er biriñiz içün müim kün: bazıları birinci sefer rale başına oturacaq, bazıları da mezun olacaq, imtianlarnı tapşıracaq ve mektepnen sağlıqlaşacaq. Oquñız, bilgi alıñız, Vatanıñız ve milletiñizniñ itibarlı oğul-qızları oluñız”, – dep, qayd etti Eskender Memetov.
Buña ilâve olaraq, Kezlev şeer bölgesiniñ baş imamı 10 sınıf talebeleri içün açıq ders keçirip, maneviy degerler ve zenaatnı saylamaqnıñ müimligi aqqında tarif etti.
Qırım MDİ matbuat hızmeti